Sa viber message ni Kraft, hinoon gibutyag niini nga kung duna may mga pulis nga nagpasakop sa SBSI dili na kini mga aktibo sa Philippine National Police.
Ingon ni Kraft, nag-AWOL o absent without leave ang nahisgutang mga pulis aron muuban sa giingong “kulto”.
Nahimong kontrobersyal ang SBSI tungod sa mga tahu labot sa sumala pa rape, sexual abuse, forced labor ug child marriage sa mga menor-de-edad nga miyembro sa grupo.
Nag-atubang nag kaso sa National Bureau of Investigation (NBI) ug qualified trafficking, serious illegal detention, paglapas sa RA 11596 o Act Prohibiting the Practice of Child Marriage and Imposing Penalties, ug pagsupak sa RA 7610 o Special Protection of Children Against Abuse Exploitation and Discrimination ang pipila ka opisyal sa grupo.
Gituhuan nga nagbaton ug mga armas ang mga sakop niini ug giingong dunay laboratoryo sa shabu ang dakong compound sa SBSI.