Wala na naka-abot sa paanakan si Jocelyn Hinayon nga taga-San Pablo Fatima , Paquibato District , Davao City Miyerkules sa alas-dos sa hapon (Agosto 16) human kini nakaanak sa patrol car.
Saysay sa crew sa Mobile Police Staff Sergeant Mar S. Veloso ug Corporal Roseller T Lagulao, ilang naagihan ang usa ka multicab nga nagub-an diin sakay sa likod ang 20-anyos nga manganakay.
Paspas nga nakaarsa ug gibalhin sa mobile car ang babaye ug gidala aa pinakaduol nga paanakan apan wa na kini naka-abot og naka-anak sulod sa Mobile patrol 07.
Gideretso gilayon sa mga pulis Paanakan sa Malabog, Paquibato District si Jocelyn alang sa medical attention sa gihimugso nga bata ingon man sa inahan.
Dakong kalipay sa pamilya ni Jocelyn ug nagpasalamat nga gitabangan sila sa mga pulis.
Hulagway gikan sa MPU