Subay sa tahu sa Davao City Police Officer, niuli nga lango sa ilimnong makahubog ang biktimang si alias Tintin, 26, taga Lingig Surigao Del Sur ug nagtrabaho sa Mark and Rose Eatery sa dalang Castillo, Brgy San Antonio, Agdao, Davao City.
Nigawas sa pasiunang imbestigasyon sa Bureau of Fire Protection, nagagamit og katol ug nagapanigarilyo ang biktima.
Apil na naugdaw ang mga records sa nahisgutang establisyemento.
Nasayran nga pasado alas 3 sa kadlawon, mipauli ang biktima nga hubog kauban ang mga barkada ug gituhuang sa grabeng kahubog niini, posibleng wala na namalayi sa biktima ang nahitabo.
Paspas nga mikuyanap ang kalayo sa kasikbit sab nga tulo ka establisiyemento apil na ang tindahan nga nagapamaligya'g tanke sa LPG ug usa ka sakyanan nga nakapark sulod sa tindahan.
Gideklarang fire out sa kabomberohan ang sunog alas 5:36 sa buntag ug midamyos kini sa P1-M .
Hulagway gikan sa DCPO