Sa gipahigayon nga AFP-PNP Press Corps briefing Miyerkules sa buntag sa The Royal Mandaya Hotel, gibutyag ni COMELEC 11 Assistant Regional Director Attorney Gay Enumerables nga nagpadayon sila nga gapreparar sa Oktubre 30, 2023 nga BSKE.
Gani, sumala pa niini, nahuman na ang ilang buhatan sa verification ug sealing sa listahan sa mga botante sa rehiyon.
Gikumpirma sa opisyal kinsa mao sab ang tigpamaba sa COMELEC 11 nga nikunhod sa 27,000 ang ihap sa mga botante ning tuiga human nasuta nga nagdoble ang ilang rehistrasyon subay sa nigawas sa ilang automated fingerprint identification system.
Sa maong ihap, 21,000 nagikan sa regular voters samtang 6,000 sa SK voters.
Ang Davao Region, dunay kapin 3.3 million regular voters samtang kapin usa ka milyon sa SK.
Kinatibuk-ang 9,958 clustered precints anaa ang Davao Region.
Gipaklaro ni Enumerables nga magpabiling manual o mano-mano ang BSKE hinoon duna nay laraw ang COMELEC nga buhatong kining automated.
Agosto 28 hangtod Setyembre 2, 2023 gitakda sa COMELEC ang filing sa certificate of candidacy (COC) samtang Oktobre 19 hangtod 28 gitakda sab ang campaign period.
August 2, 2023COMELEC 11 ARD Atty. Gay Enumerables