Ang pahayag ni Duterte agig hangyo sa katawhan sa syudad aron padayong maangkon ang kalinaw ug kalambuan sa dakbayan.
“Kung asa man ta karon isip dakbayan, isip mga Dabawenyo, kaya pa nato ni nga mapalambo.Dako pa kaayong potensyal ug ikauswag ang syudad ug makab-ot nato ni kung kita padayong magtinabangay,” matod pa sa alkalde.
Dugang sa opisyal , “luyo sa mga kabag-uhan sa atong palibot, kinahanglan nga magpabilin ta nga disiplinado ug matinumanon sa balaod kay mao kini ang magdala’g kalambuan sa atong lugar. Mao kini maghatag kalinaw sa atong komunidad ug mao kini ang maghatag kalipay kanato isip mga residente ning dakbayan,” dugang sa mayor.
“Kitang mga Dabawenyo adunay respeto sa atong isig-katao, adunay paghigugma sa atong syudad, ug adunay kahadlok sa Ginoo,” dugang mensahe ni Mayor Duterte.
Gipasigarbo ni Duterte ang pagkabulahan sa Davao City gikan sa mga gasa, ug kaabunda sa mga yuta ug katubigan, sa mabulukon nga tradisyon ug kultura, sa kasadya sa mga selebrasyon lakip na ang pagsinabtanay sa mga tribo ug katawhan.
“Kining tanan maoy atong pirmeng ikapasigarbo ug dapat ipagpasalamat. Sukad pa kaniadto garbo nato nga kita Dabawenyo.Pero mas dakong garbo kung kitang tanan nagkahiusa nga muatubang ug mubangga sa mga harang sa atong paglambo.”
“Mas garbuso ta kung kita kauban sa pagkab-ot sa atong mga pangandoy para sa atong syudad. Kining tanan atong ginabuhat dili lang para sa ato karon,ginabuhat nato ni isip obligasyon nato para sa musunod nga henerasyon,” Dugang ni Duterte.
Mayor Sebastian Duterte. Photo from Arjoy Ceniza
Photo from Arjoy Ceniza