Ang biktima giila sa Davao City Police Office nga si Mark Ken Suarez Mariscal, 28-anyos, empleyado sa Salford College Australia ug lumulopyo sa block 8 Lot 97 Phase Deca Homes, Brgy. Indangan, Davao City.
Si Mariscal, nailhan isip Mindanao Contender sa Tawag ng Tanghalan ug anak sa kanhi Mayor sa Sta. Maria, Davao Occidental.
Nasayran sa imbestigasyon sa Buhangin Police Station, samtang sakay ug nag-backride sa usa ka motor ang biktima, paingun Indangan, gimaneho sa usa ka Ruben Ponting Borgonia mihunong sila atubangan sa gambalay sa Barangay Disaster Risk Reduction Management Office (BDRRMO) arun mangihi.
Apan giingong na out of balance kini pag-naug sa motor. Dali nga mikanaug si Borgonia arun unta tabangan ang biktima, apan usa ka sakyanan nga puti ang paingun ug giligsan ang biktimang si Mariscal.
Gidala pa sa 911 ambulance ang biktima sa ospital apan gideklara kining patay sa attending Physician.
Hulagway gikan sa Buhangin PNP