Napatay sa suspek nga si Haron Lumanggal Pagagongan , 48 anyos, ug residente sa Purok 26, Brgy 76, Bucana, Davao City ang biktimang si Policronio Gonzaga Palmera, 47 anyos, vendor , ug lumulopyo sa nahisgutang lugar.
Subay sa imbestigasyon sa Talomo Police Station, sa wala pa ang insidente, kada agi kuno sa biktimang si Palmera sa naasoyng dapit, ginahawiran kini sa suspek ug ginarikisa pag-ayo ang dalang gamit niini butang nga nangutana kini kon nganong hugot kaayo ang inspeksyon pag-abot sa iyaha.
Apan unsang pagkaunsaa, ang suspek kinsa naitok human gikomprontahe sa biktima, kalit gipusil sa pipila ka higayon si Palmera nga nakaingon sa iyang kamatayon.
Narekober sa crime scene ang usa ka shotgun.
Ang suspetsado anaa napriso sa Talomo Police Station samtang gihikay ang kasong atubangon niini.
Hulagway gikan sa Davao City Police Office