Unang girespundihan sa Bansalan Police ang tawag labot sa lalaki nga giingong nag-wild sulod sa eskwelahan nga nakaingon sa kahadlok sa mga maestra ug estudyante.
Naabtan sa mga pulis uban sa mga opisyal sa barangay ang suspek nga si Nelson Orbeta Guiao, 49, sa balay niini sa Purok 3, Barangay Linawan nga bitbit pa ang lagarao ug karit.
Sa dihang nagpaila ang mga pulis, nasuko kini ug gihana-hanaan nag lagarao ug karit ang mga mirespondeng otoridad hinungdan nga nidepensa sab ang mga pulis.
Patay na nga nahidangat sa bay tambalanan si Guiao human nakahiagom ug samad pinusilan.
Nasayran nga usa ka pulis ang samdan sa maong hitabo ug anaa sulod sa Mabama Hospital sa Bansalan.
Nakuha sa crime scene ang lagarao ug karit, lakip na ang duha ka baseyo sa armas.