Ang mga biktima gipang-ila nga sila Raymond Llamedo Parantar, 30 anyos nga residente sa Purok 7, Roxas Street, Barangay Almendras District, Padada ug Alexander Arang, 38 anyos, nagpuyo sa Sacub, Hagonoy.
Sa imbestigasyon sa kapulisan sa Padada, nasayran nga gipusil si Parantar samtang naghigda kini sa iyang folding bed sa terrace sa gawas sa ilang balay alas 8:30 kagabii, kalit kini nga gipusil sa wa mailhing suspetsado.
Igo sa ulo ang biktima nga maoy nakaingon sa iyang kamatayon.
Samtang nakit-an na lang nga wa nay kinabuhi atubangan sa iyang pinuy-anan si Arang kansang liog nalukop sa dugo nga gituhuang gitigbas ang biktima, alas 8:50 Martes sa gabii.
Subay sa imbestigasyon, paspas usab nga nadakpan sa kapulisan sa Hagonoy ang suspek nga nailang si Eddie Saturi, hamtong ang panuigon.
Gitudlo si Saturi sa mismong anak sa biktima nga nakakita nga misulod sa ilang balay ang suspek.
Duna pay lama sa dugo sa iyang kamot si Saturi sa dihang gidakop sa mga otoridad, pipila ka oras human sa pagpanigbas niini kang Arang.
Hulagway: Hagonoy Muncipal Police Station
Hulagway: Padada Municipal Police Station