Kini ang gibutyag sa tigpamaba sa Police Regional Office (PRO) 11 Major Eudisan Gultiano atol sa AFP-PNP Press Corps virtual briefing karong adlawa Miyerkoles (Disyembre 8).
Matod sa opisyal, sulod sa 9,639 kinatibuk-ang personahe sa Davao Region, mukabat na lang sa 68 pulis ang wala pa makadawat ug bakuna gumikan sa nagkadaiyang rason.
Sa 68 nga dili pa bakunado, 40 niini giingong tungod sa medical condition, tungod sa ilang religious beliefs, buntis, samtang ang uban naka-sick leave, samtang ang 28 pulis gahulat pa sa ilang preferred vaccines.
Gidugang ni Gultiano nga sa pagkakaron naghulat pa sila ug memorandum guidelines gikan kang Chief PNP Dionardo Carlos kalabutan sa mga unvaccinated personnel.
Apan basi sa inisyal nga impormasyon, sumala pa ni Gultiano, ipatuman ang ‘no vaccine, no duty policy’ sa field works.
“Sa ngayon, we’re waiting na maibaba ang memorandum guidelines. Sa ngayon kasi, wala pang guidelines. There was a statement from the chief PNP but the guidelines, eh wala pa. Kasi kino-consider din natin yong cannot vaccinated na mga personnel due to medical condition. But definitely, sa mga admin duty sila, hindi po sila pwede ilagay sa field,” sumala pa ni Gultiano.
Samtang sa pikas bahin, gibutyag sab ni Captain Mark Anthony Tito, ang hepe sa Division Public Affairs Office (DPAO) sa 10th Infantry Division nga subay sa miaging bulan nga datos, 82 porsyento sa mga personahe sa 10th ID ang bakunado na.
Giangkon niini nga kasagaran sa wala gapabakuna mao kadtong mga miyembro sa Cafgu Active Auxiliary tungod sa ilang tinuhuan.
“But with regards to the regulars and organic ng 10th ID, we are almost 95 percent are vaccinated. But on going pa naman yong efforts natin sa mga CAAs para talaga sila magpabakuna,” giingon ni Tito.
Dugang sa opisyal nga kasagaran sa mga CAAs nadestino sa mga areas nga gikonsiderang geographically isolated and disadvantaged areas (GIDAS).