Ang patayng lawas ni Si Bragas, lumulopyo sa Purok 18, Megaville, Calinan Poblacion ning syudad sa Davao nakaplagan sa plantasyon sa saging sa Purok 6, Barangay Dacudao, Calinan, alas 8 sa buntag adlawng Miyerkules (Mayo 17).
Sa pakighinabi sa News Fort kang Major Catherine Dela Rey, tigpamaba sa Davao City Police Office, gibutyag niini nga ang kamugnaan sa SITG gihimo tungod gilantaw nga heinous crime ug sensational ang kaso kinsa na-elevate na sa rape with homicide.
Subay sa migula nga resulta sa autopsy report nga gihimo sa Regional Forensic Unit 11 nigawas nga namatay ang biktima tungod gituok o “asphyxia by manual stragulation” sa mga suspek.
Sumala pa ni Dela Rey, migawas sab sa medico legal evaluation , nagpakita nga dunay “recent penetrating genital trauma” nakita sa kinatawo sa biktima.
Si Bragas giingong nawala ug katapusang nakit-an alas 12:30 sa sayong kabuntagon Mayo 17 nga nagsakay sa color yellow nga trike bike (ongbac) sa Crossing Fausta, Calinan District.
Subay sa nakuhang video surveillance, ug saysay sa testigo, dunay usa ka pasahero nga sakay na daan sa ongbac ayha nisakay ang biktima.
Mibarug nga supervisor sa SITG Bragas si Colonel Valiente Cuyos, deluty regional director for operations sa Police Regional Office 11, samtang nagsilbing commander sa SITG mao si DCPO chief Colonel Alberto Lupaz.
Kalakip sa SITG isip miyembro ang Criminal Investigation and Detection Group (CIDG), Intelligence unit, ug Regional Anti-Cybercrime Unit.
Duha ka lalaki ang gilantaw nga persons of interest sa mga imbestigador nga posibleng mihimo sa krimen. Kalakip dinhi ang driver sa ongbac ug ang usa ka pasahero.
Gipasalig ni Lupaz nga sa dili madugay ilang mahatag ang hustisya sa pamilya sa biktima.