Partikular nga natala ang mga insidente sa Region 1,2,3 ug 4A.
Basi sa tahu, 62 ang namatay sa 57 “drowning incident”; samtang upat ang namatay sa 11 vehicular accidents.
Taliwala niini, gibutyag ni PNP Chief Police General Rodolfo Azurin Jr. nga sa kinatibuk-an nahimong hapsay ang paghinumdum sa semana santa sa tibuok nasod.
Subling gipahinumduman sa PNP Chief ang publiko nga bantayan ug maayo ang mga bata sa mga beach resorts, ug likayan ang pag-inom ug ilimnong makahubog kung mulangoy aron malikayan ang insidente sa pagkalunod.
Gitambagan sab ni Azurin ang mga motorista nga kanunayng motamod sa balaod trapiko ug obserbahan ang speed limit aron makalikay sa aksidente.