Nasayran sa imbestigasyon sa kapulisan sa Digos City, gikan matod pa nag-picnic ang tulo ka pares sa manag-uyab sa Camp Madegger nga nahimutang sa pinakatumoy nga bahin sa Barangay Binaton sa dihang sa ilang pagpamauli kalit nibundak ang kusog nga ulan busa namasilong una kini, apan kusog nga kilat ang nitagbo kanila ug giingong direktang miigo sa unom ka biktima nga matud pa migamit niadtong tungura sa ilang tagsa-tagsa ka cellphones.
Dead on the spot ang upat samtang ang usa nga si Glendel Joy Villocino dead on arrival sa ospital, samtang ang laing usa anaa karon provincial hospital sa syudad sa Digos.
Ang laing mga biktima gipang-ila nga sila Hersalia Gabrielle; Jonmel Galicia; ug Jeramae Cartagena samtang ang nakaluwas mao si Clarence Cate Chatto, 21-anyos.
Nasayran nga tungod sa kalayo ug kadanlog sa dalan nalisdan ang mga otoridad sa pag-rescue sa mga biktima. Pasado alas 9 na sa gabii sa dihang nakaabot ang mga rescue volunteers ug ginsakpan sa City Disaster Risk Reduction Management Office sa Digos City sa lugar.
Hulagway gikan kang Nilo Cobrado