Ang foodpacks gilangkuban sa lima ka kilong bugas og manok.
Unang nahatagan ang mga residente sa Magsaysay, Barangay Central niadtong Lunes, Disyembre 6 nga gisundan sa mga residente sa Magapo, Sudlon, ug Central Elementary School.
Libuton sa mga personahe sa syudad ang 26 ka barangay hangtud Disyembre 17 nga maoy target mahuman ang pagpanghatag sa foodpacks.
14,980 ka mga pamilya sa Barangay Central ang makadawat sa maong tabang.
Samtang 581 ka pamilya usab sa Barangay Culian, 482 ka pamilya sa Barangay Sanghay, 804 ka pamilya usab sa Barangay Libudon ug 260 ka pamilya ang na apud-apuran sa Barangay Danao diin nahitabo ang distribusyon sa nagkadaiya nila nga mga Barangay covered courts.
Sa Disyembre 9, ang 6,741 ka mga pamilya sa Barangay Macambol, Mamali, Dawan, ug Badas na usab ang gihatagan.
5,517 usab ka pamilya ang makadawat sa maong pahalipay sa Barangay Lawigan, Tam-isan, Bobon, ug DMM. Samtang magpadayon hangtod sa petsa 17 sa Disyembre ang pagpang-apod-apod ug pinaskuhan nga gipangunahan ni Mayor Michelle Rabat.
Gihangyo ni Rabat ang katawhan nga dili sagulan og politika ang pagpanghatag nila og foodpacks sa katawhan tungod kay tanang Matinians makadawat gayud sa regalo gikan sa LGU.
Nagpasalamat ang mga residente sa tabang nga ilang nadawat gikan sa lokal nga gobyerno.
Hulagway: Mati CIO