Giila sa kapulisan sa Digos ang biktima nga si Eric Relator Mediano, minyo ug residente sa Purok Pag-asa-B, Barangay Bato, Sta. Cruz, Davao Del Sur.
Basi sa tahu, naglawig ang biktima sa Digos-Davao City national highway sakay single motorcycle nga dunay sidecar (Bukakang) pauli sa balay.
Apan paghidangat sa Purok Malipayon, Barangay Zone I, Digos City, kalit ni-overtake ang usa ka motorsiklo ug way daghang istorya gipusil ang biktima sa makadaghang higayon.
Nadala pa sa Davao del Sur Provincial Hospital si Mediano apan paglabay sa pipila ka minutos hikabsan kini sa gininhawa.
Nakuha sa Scene of the Crime Operatives (SOCO) gikan sa nahitabuan ang unom ka baseyo sa Caliber .45 pistol.
Nasayran nga gisundan ang biktima sa mga suspek human kini nigawas sa sabungan.
Abril 1, samdan sab ang usa ka fish vendor nga si Heart Che Revilla Tungal, 30 anyos human kini gipusil sa wa maila gihapon nga suspetsado sa national highway in Barangay Tubod, Bansalan, Davao del Sur.
Hulagway gikan sa Digos PNP