Sa iyang pagbisita sa Calapan City, Oriental Mindoro adlawng Biyernes (Marso 24), gipahibalo ni USAID Philippines Mission Director Ryan Washburn nga ang dugang tabang gamiton alang sa pagbansay sa mga mananagat nga nawad-an ug panginabuhian tungod sa fishing ban.
Ang mga mananagat tudluan nga mahimong “citizen scientists” aron makatabang sa paghimog mga pagtuon labot sa epekto sa oil spill sa “coastal habitat” ug mga komunidad.
Subay sa iyang pagbisita, giturn-over sab ni Washburn ang unang gisaad nga personal protective equipment, hygiene kits, ug spill cleaning supplies kang Oriental Mindoro Governor Humerlito Dolor.
Una nang gisuportahan sa USAID pinaagi sa World Food Program ang Department of Social Welfare and Development (DSWD) sa paghato ug 20 libo nga food packs sa mga pamilya nga apektado sa oil spill.
Hulagway gikan USAID