Sa press conference sa Joint Task Force Degamo sa Camp Aguinaldo ning bag-uhay lang, gisulti ni PNP Chief Police General Rodolfo Azurin Jr. Ug AFP Chief of Staff General Andres Centino nga walay silay na-monitor nga hulga sa kinabuhi sa magbabalaod.
Ang pahayag ni Azurin ug Centino gihimo isip tubag labot sa rason ni Cong. Teves nga nabalaka siya sa iyang seguridad busa di una kini mouli sa Pilipinas.
Sa bahin naman ni Department of Defense Officer in Charge, Sr. Undersecretary Carlito Galvez Jr., andam ang militar nga hatagan ug seguridad si Teves, pinasikad sa mando ni Pangulong Ferdinand Marcos.
Una nang gisiguro ni Azurin, na mismong ang PNP muhatag sab proteksyon kang Teves ug sa iyang pamilya kung gikinahanglan.