Sumala pa ni Konsehal Tek Ocampo, chairperson sa Environment Committee sa 20th Davao City Council, subay sa ilang gihimong inspeksyon sa lugar sa miaging bulan,iyang nakita nga halos muabot sa 30 hangtod 50 ka mga fully-grown nga mga kahoy ang gipamutol.
“Kana man gud lugara its is a greenbelt project. Gihimo sa city gov under Cenro in 2012 under Mayor Sara,” saysay ni Ocampo.
Nasayran nga gipamutol ang kahoy tungod sa gitukod nga eskwelahan sa Barangay Kibalang.
Dagko na mga kahoy, fully grown trees. We were shock pag abot namo gipamutol ang nga kahoy mga 30-50 trees. Accordingly naa daw sila permit and all. Pero gipaabot pa namo ilang mga documents nga giingon nila nga naa silay cutting permit. Naa man gud eskwelahan ginatukod didto. Wala tay supak sa eskwelahan because that is good for the students because kinahanglan sa mga estudyante nga naay eskwelahan,” sumala pa ni Ocampo atol sa AFP-PNP Press Corps briefing sa niaging Miyerkules sa The Royal Mandaya Hotel.
Apan gikanayon sa konsehal nga ang rason nganong nagtanom ang CENRO,”at that time kay base sa geomap hazard sa MGB during that time it was categorized as high susceptibility sa landslide, so nagtanom ug kahoy for mitigation ang syudad.”
Dugang sa opisyal, “ang problema karon kung taas ang susceptibility sa landslide, wa masayod ang council nga naa diay gitukod eskwelahan. Eh kung naay mahitabo nga disaster kinsay basulon.”
Gikumpirma ni Ocampo nga anaa na sa unang pagbasa ang maong isyu ug nakatakdang magpahigayon ug pagdungog ang komitiba diin lauman nga ipatawag ang mga representante gikan sa Department of Education (DepEd), Department of Public Works and Highways (DPWH), ug tanang concern agencies, lakip na ang barangay.
Dugang gibutyag ni Ocampo nga mismong ang barangay nipasar ug resolusyon tuig 2012 nga nitugot sa pagtanom ug mga kahoy, apan susamang barangay sab ang nagpasa ug resolution of “no objection” sa katukuran sa eskwelahan sa lugar hain gituhuang “landslide prone.”
“Akong concern, nganong gipamutol ang kahoy, ika-duha, stable ba ang area para sa structure,” matod ni Ocampo.
“Wala mi probplema if MGB or anybody can assure us na it will be safe for structures..tagai mig certification declaring that the area is safe,” dugang sa magbabalaod.
Nagpadayag sa iyang kabalaka si Ocampo nga basig muabot damlag ang panahon nga dunay mahitabo, sila mismo nga anaa sa konseho basulon sa katawhan nga way gihimo.
Duna usay nakitang menteryo sa lugar nga duol sa gitukod nga tulunghaan.
Gisulayan sa News Fort ug kuha’g habig ang DepEd labot sa isyu, apan wa pay tubag ang ahensya.
Pinaambit nga mga hulagway