Unang natiklo sa mga awtoridad sa Digos City Police Station niadtong Disyembre 4 sa hapon ang security guard nga si Elecio Holohoy, 32 anyos nga nanimuyo sa Purok Tangigue, Brgy. Dawis , Digos City.
Nakuha gikan sa possession niini ang gituhuang shabu nga mubalor sa P7,650; cellular phone, ID, ingon man motorsiklo.
Sa laing bahin, balhog sab sa Bansalan Municipal Police Station human nadakpan Sabado sa gabii ang estidyanteng si Kenneth Renan Trazona, 23 anyos, lumulupyo sa Rosal Ext., Brgy. Poblacion Uno, Bansalan Davao del Sur.
Nakuha gikan kang Trazona ang pinutos nga dahon sa marijuana, buy- bust money, ug lighter.
Kasong pagsupak sa Republic Act 9165 ang atubangon sa duha ka mga dinakpan.
Hulagway: Davao del Sur PNP