Unang nadakpan sa Mandug police station ang habal-habal driver nga si Juniell Gutieres Margate alias Jan-Jan, 33 anyos nga residente sa Magugpo East, Tagum City, Davao del Norte.
Nadakpan si Margate alas 2:20 sa sayong kabuntagon adlawng Biyernes sa Barangay Lasang ning syudad sa Davao.
Nakuha gikan kaniya ang kantidad sa gituhuang shabu nga mubalor sa P3,000, cellular phone, ug motorsiklo.
Samtang sa pikas bahin, tiklo usab sa kapulisan sa Mandug ang welder nga si Joerey Cerdaña Caparida alias Brad, 25 anyos, ug nanimuyo sa Agdao, dakbayan sa Davao.
Nalakip si Caparida sa street level target sa kapulisan kinsa nadakpan human napalitan ug shabu, kantidad sa P3,000 alas 4:30 kagahapon sa hapon sa Agdao Proper.
Kasong paglapas sa Republic Act 9165 ang atubangon sa mga dinakpan .
Hulagway: DCPO