Ang nahisgutang roro nga MV Starlight Saturn dunay sakay nga 157 indibidual nga gilangkuban sa 102 pasahero ug 55 crew.
Naglusad ug malampusong rescue operation ang BRP Filipino Flojo (PC386) sa pagpamuno ni Cdr. John Paul Rañola, ug BRP Enrique Jurado (PC371) sa pagpamuno ni Lt. Cdr. Jesus S Kingking II, kundiin gibalhin sa SuperCat MV St. Camael ang 88 pasahero.
Ang mga naluwas nga pasahero gidala sa MV Camael sa Pier 5, Port of Cebu, Cebu City; samtang ang 14 pasahero dunay driver nga nagpabilin sa nisadsad nga roro aron bantayan ang ilang mga kargamento.
Gipaniguro sa Naval Forces Central nga kanunay silang andam muresponde sa mga nagkinahanglan ug tabang sa kadagatan sa Visayas region.
Hulagway gikan sa Naval Forces Visayas