Giila ang mga biktima na sila Private John Paul C. Adalim ug Private Mark June D. Esico nga nakahiagom ug grabeng bala sa ilang kalawasan nga nakaingon sa ilang kamatayon.
Ang duha nipalit ug supply alang sa ilang unit sa Barangay Cotmon, Camalig, Albay alas-7 Lunes sa buntag (Pebrero 20) sa dihang kalit gipamusil sa lima ka miyembro sa teroristang grupo.
Hugot nga gikondena ni Joint Task Force Bicolandia ug 9ID Commander Major General Adonis Bajao ang insidente ug giingong ang pag-atake sa mga sundalong gahatod ug tabang sa katawhan, pagpamatuod lamang sa katalawan ug kawalay pagtahud sa tawhanong katungod sa NPA.
Gipaabot ni Bajao ang iyang pagbangutan sa pamilya sa duha ka bayaning sundalo.
Gipaniguro niini nga buhaton sa militar aron manubag sa balaod ang mga responsable sa krimen.
Hulagway gikan sa 9th IB