Gihimo ni US State Department Spokesperson Ned Price ang pahayag subay sa gihimong pagpanutok ug laser sa Chinese Coast Guard sa crew sa Philippine Coast Guard (PCG) sa West Philippine Sea niining Pebrero 6.
Sumala kang Price, ang gihimo sa China nga pagbabag sa legal nga operasyon sa Philippie Coast Guard sa Second Thomas Shoal, usa kuno ka pagpanghagit ug peligroso nga nagresulta sa temporaryong pagkabuta sa crew sa BRP Malapascua.
Dugang ni Price nga ang peligrong paglihok sa China, direktang hulga sa kalinaw ug stabilidad sa rehiyon, ug paglapas sa “freedom of Navigation” sa South China Sea subay sa International Law.
Gipamugos ni Price, walay legal nga pag-angkon sa China sa Second Thomas Shoal ug anaa sa bahin sa Pilipinas ang Estados Unidos sa pagsuporta sa rules-based maritime order.