Ang rescue operation gilusad sa Boat Attack 487, nga gi-deploy sa NFW human gireport ngadto kanila ang distress call gikan sa Motor Launch (ML) Sulna.
Paingon ang ML Sulna sa Turtle Islands, Tawi-Tawi gikan sa Zamboanga City, nga dunay kapin kon kulang sa 100 sakay kalakip na ang crew, sa dihang nagub-an ug makina.
Gisakay sa BA 487 ang 17 pasahero nga nagpadayag nga mubalik sa Zamboanga City. Gi-turn-over kini ngadto sa ilang mga kapartedusan ug sa DSWD Zamboanga.
Samtang gibira ang naguba nga lantsa sakay ang uban pang pasahero sa usa pa ka lantsa nga ML Farah Mae paingon sa Baluk-Baluk Island, Basilan aron ipaayo.
Gipasalig sa Naval Forces Western Mindanao Commander Rear Admiral Donn Anthony L Miraflor nga kanunay andam ang Philippine Navy nga mo-rescue sa mga nanginahanglan ug tabang.
Hulagway gikan sa NFW