Giila sa acting commander sa AFP Western Mindanao Command (WestMinCom) Brigadier General Arturo Rojas, ang nadakpan nga si Jordan Akmad, alyas Jordan Kamad.
Si Akmad, giingong tiggama ug improvised explosive device (IED), bomber, ug extortionist sa Daulah Islamiyah-Hassan Group.
Nasayran nga nalambigit usab si Akmad sa pagpamomba sa mga bus terminal sa Davao City ug Kabacan, Cotabato.
Si Akmad, dunay warrant of arrest sa kasong murder ug multiple frustrated murder kinsa kasamtangang anaa sa kustodiya sa President Roxas Municipal Police Station.
Gidayeg ni Rojas ang ginsakupan niini sa malampusong operasyon ug gisiguro nga makig-alayon ang Westmincom sa kapulisan ug uban pang ahensya aron mahimong mas luwas ang mga komunidad sa ilang area of responsibility.
.
Hulagway gikan sa WestMinCom