Sumala pa kang PNP Public Information Office Chief Colonel Red Maranan, bag-ong assign lang ang suspek nga si Staff Sergeant Ed Dyson Banaag, sa PNP-DEG niining Enero 4 gikan sa Criminal Investigation and Detection Group (CIDG).
Nasayran nga wala pa naka-report sa iyang bag-ong opisina Camp Crame si Banaag.
Gipasabot ni Maranan, kung si Banaag ang target sa buy-bust operation nga pipila ka bulan nang gi-iring-iringan, di na sikreto nga duna kini kalambigitan sa ilegal nga droga, busa katingalahan nga nabalhin kini sa PDEG.
Dugang ni Maranan, dapat dunay “vetting” ug niagi sa makuting background check ang tanang mga sakop nga nakasulod sa usa ka sensitibong unit sama sa PDEG.
Gikanayon sa opisyal, gisusi karon kung duna bay kalambigitan si Banaag kang Police Master Sergeant Rodolfo Mayo Jr. nga miyembro sab sa PNP-DEG Special Operations Unit sa National Capital Region nga nakuhaan ug P13.6 million nga balor sa shabu sulod sa iyang lending company sa Quiapo Manila di pa dugay.
Gidayeg ni Maranan ang pagkadakop sa NCRPO kag Banaag nga pagpamatuod nga seryoso ang PNP sa pagsilhig sa mga “ninja cops” sa ilang hut-ong.