Ang pahayag gihimo ni Azurin sa 29th PNP Ethics Day celebration sa Camp Crame Lunes sa buntag (Enero 16) nga dunay temang “Serbisyong may Malasakit, Kaayusan at Kapayapaan tungo sa Kaunlaran, Handog ng Pambansang Pulisya Kabalikat ang Simbahan at Pamayanan”.
Sumala pa sa opisyal, pagpakita sa kaisog ang gihimo sa 97 percent sa 3rd level officers nga mitubag sa hagit sa kalihim sa Department of Interior and Local Government (DILG) Benjamin Abalos Jr. nga hinluan ang ilang hut-ong.
Nanawagan si Azurin sa nabilin pang 3 percent sa 3rd level officers nga magsumite na sab sa ilang courtesy resignation.
Kini na matod pa ang higayon alang sa bag-ong sinugdanan sa PNP ingon man magpakita sab sa ilang panaghiusa.
Samtang, niapila si Azurin sa five-man committee nga musala sa courtesy resignation sa mga Koronel ug Heneral nga mahimong patas ug likayan ang politika.