Kini aron sayron nga dunay igong mga registration centers gi-set up ang mga Telcos alang sa ilang mga subscribers. Katuyuan sab sa pagbisita sa NTC nga hatagan ug moral support sanglit sila ang frontliners sa sim card registration.
Matod pa ni Nelson Cañete, regional director sa NTC 11 atol sa Kapehan sa Davao sa SM City Davao, Ecoland ning syudad nga sukad gisugdan ang sim card registration, trese ka adlaw na ang nilabay gikan Disyembre 27, muabot na sa 15 milyones nga mga subscribers sng nakarehistro na sa tulo ka mga Telcos.
Gilauman sa NTC nga muabot sa 180 million ang magpa-rehistro sa ilang sim cards.
Matod pa ni Cañete, dili kuno krimen kung di marehistro ang sim cards apan kung paghuman sa registration period ug wa marehistro, mamahimong ma-deactivate ang simpack ug pagkahanaw sa load kung duna kini sulod.
Ang NTC, maoy implementing agency sa Republic Act 11934-the Sim Registration Act nga pirmado ni Pangulong Ferdinand Marcos Jr. sa niaging Oktubre 10, 2022.
Tumong sa balaod nga mapakgang na ang spam messages ug scams.
NF File Photo