Si Plaza, namatay human gipusul sa motorcycle-riding gunmen sa gawas sa iyang giarkilahang balay sa Greenmeadows subdivision sa Barangay Santo Niño, Davao City sa niaging Disyembre 29.
Sa usa ka pahayag, gibutyag ni Durante, kinsa kanhi hepe sa Presidential Security Group (PSG) sa panahon ni Pangulong Rodrigo Duterte, nga nasabit ang iyang pangalan tungod sa usa ka social media post ni Plaza niadtong Abril 2022, kundiin giakusahan kini ug pagpangulata nga wa magdugay gibakwi ra usab.
Sa press conference adlawng Miyerkules, Enero 4, gibutyag sab ni Captain Mark Anthony Tito, tigpamaba sa 10th Infantry Division diin sakop niini ang 1001st Brigade nga wala pay pormal nga request o reklamo batok kang Durante nga niabot sa 10th ID.
Hinoon, matod pa ni Tito, nakig-koordinar ang 10th ID sa Police Regional Office (PRO) 11 sa imbestigasyon sa insidente ug ila na lang gihulat ang resulta sa imbestigasyon.
Gipasalig ni Tito nga dili konsintihon sa 10th ID ang unsa mang buhat sa ilang mga sakop ug senior officers.
Philippine Army Commanding General Romeo Brawner Jr.
10th ID spokesman Captain Mark Anthony Tito