Kini ang pahayag ni PNP Public Information Office Chief Colonel Red Maranan, kalabutan sa apila ni Department of Interior and Local Government (DILG) Secretary Bejamin Abalos Jr. nga magsumite ug courtesy resignation ang tanang Heneral ug full fledge Colonel sa PNP.
Ang apela gihimo ni Abalos sa usa ka press confernce sa Camp Crame Miyerkules sa buntag (Enero 4) isip kabahin sa kampanya kontra ilegal nga droga.
Gipasabot ni Abalos, kini aron matanggal sa PNP ang mga nagasabotahe sa kampanya kontra droga.
Sumala pa ni Maranan, suportado sa tibuok hut-ong sa PNP ang desisyon sa mga political leaders sanglit nasayod sila nga alang kini sa kaayuhan sa organisasyon ug sa tibuok nasod.
Samtang, dili luwas si PNP Chief General Rodolfo Azurin sa mga gipasumite ni Abalos ug courtesy resignation.
Matod sa kalihim, kalakip ang PNP Chief sanglit ang mga gipasumite niini ug courtesy resignation nagikan sa ranggong full colonel hangtod Heneral.
Giklaro ni Abalos nga magpadayon gihapon ang trabaho sa mga Colonel ug Heneral hangtod di nila dawaton ang ilang courtesy resignation.
Salaon matod pa ang mga nahisgutan ug kung gidawat na ang ilang resignation diha pa sila isalang sa mas halawom nga imbestigasyon hagtod makasuhan.
Pasabot sa kalihim, walay angayng kahadlukan ang mga limpyo nga mga opisyal sanglit di sila matanggal sa serbisyo.
Gibana-banaang kapin kon kulang sa 300 opisyal sa PNP ang apektado sa apila ni Abalos.
Hulagway gikan sa Office of the Press Secretary