Unang naluwas ang upat ka indibidual sakay sa usa ka life raft nga makit-an sa kadagatan sa usa ka Liberia-flagged bulk carrier nga Falcon Triumph.
Sunod nga naluwas ang unom pang indibidual nga nakita sab nga nag-utaw-utaw sa kadagatan sa Panama-flagged tanker vessel nga High Adventure, duol sa unang lokasyon.
Sumala pa kang Brigadier General Romeo Racadio, Commander sa Joint Task Force Tawi-Tawi, 8 sa 10 naluwas nga indibidual nagikan sa MV Belait Surita nga nagikan sa Sandakan, Malaysia paingon sa Talabtab, Malaysia sa dihang nakasinati sa pipe explosion.
Pito sa mga nahisgutan ang Malaysian ug usa ang Pilipino.
Samtang ang duha pa nga naluwas mga Pilipino nga sakay sa banka nga nagka-problema tungod sa dili maayong kahimtang sa panahon samtang padulong sa Bongao, Tawi-Tawi, gikan sa Tahaw Island, Tawi-Tawi.
Gitimbaya ni Western Mindanao Command (Westmincom) Acting Commander Marine Brigadier General Arturo Rojas ang mga ginsakupan sa Philippine Navy sa malampusong rescue operation.
Hulagway gikan sa WestMinCom