Kini subay sa assessement sa Philippine National Police.
Sumala pa kang PNP Spokesperson Police Colonel Jean Fajardo, walay natala nga unsa mang 'untoward incident' sa Simbang Gabi busa nahimong malinawon ang pagpahigayon niini.
Dugang ni Fajardo nga subay sa mga report gikan sa ground, mas daghang katawhan ang nagsimba karong tuiga kung itandi sa niaging tuig.
Sumala pa ni Fajardo kini tungod luag na ang quarantine restrictions sa COVID 19.
Nasayran nga 30,000 mga pulis ang gipakalat sa PNP sa mga kasimbahanan sugod ning adlawa.
Gawas sa police assistance desk, duna pay mga foot ug mobile patrol sa mga simbahan nga magbantay sa seguridad karong kapaskuhan.
Hulagway sa unang adlaw sa Simbang Gabi sa San Pedro Cathedral, San Pedro St., Davao City