Ang suspek nailhang si Brian Digal Flores, way trabaho, nanimuyo sa gikaasoyng barangay.
Subay sa tahu sa San Pedro Police Station, samtang naghunong sa iyang motorsiklo ang biktimang Grab driver nga si Jomao delos Santos, 29 anyos aron kuhaon ang order nga food delivery sa duol nga establisemento, iya na lang nakita ang suspek nga nakasakaysa iyang motorsiklo ug dayon paturatoy ug dagan paingon sa direksyon sa Mineral Village sa gikaasoyng barangay.
Paspas nga nakapanawag sa emergency hotline 911 ang biktima aron pagpangayo ug assistance.
Dali nga niresponde ang kapulisan sa San Pedro aron pangitaon ang suspetsado dungan sa flash alarm nga gipatuman alang sa posibleng pagharang sa alegasyong carnapper.
Wa nagdugay, nadakpan si Flores sa mga sakop sa Aviation Security Unit human nilatas sa premises sa Davao International Airport nga nahimutang sa Daang Maharlika Highway, Buhangin ang suspetsado gamit ang kinarnap nga motor.
Ang suspetsado lakip na ang na-rekober nga motorsiklo anaa na sa kustodiya sa San Pedro Police station alang sa tukmang disposisyon sa kaso.
Hulagway gikan sa San Pedro PNP