Kahinumdumang gisuspende ang klase sa maong tulunghaan ug gilayong gisuyod sa bomb disposal teams ang lugar, apan walay nakit-ang bomba.
Sa gilusad nga imbestigasyon sa ACG, na-trace ang prepaid celphone number nga tinubyanan sa hulga ug natumbok ang IP address niini sa usa ka balay sa Pangasinan St., Zone 5, Central Signal, Taguig City.
Sa pagpatuman sa Southern District Anti-Cybercrime Team (SDACT) Team ang Warrant to Search, Seize and Examine Computer Data sa lugar, na-rekober ang 6 ka celphone kalakip na ang cellphone nga gigamit sa krimen nga gipanag-iyahan sa usa ka 16-anyos nga babaeng grade 9 student sa aSignal Village National High school.
Gibutyag sa tigpamaba sa PNP-ACG Police Lieutenant Colonel Jay Guillermo, ang nag-unang suspek anaa na sa kustodiya sa Taguig City Welfare Office, ug kasamtangan ginatumbok ang uban pang posibleng may access sa “Sophia Smith account” tungd sa multiple log-ins sa nahisgutang account.