Ayon JTF at 6th ID commander Major General Roy M Galido, ang insidente na nambiktima ng mga inosenteng sibilyan ay gawa ng mga terorista, na ayon sa kanya, lantarang paglabag sa karapatang pantao at international humanitarian law.
Dagdag ng heneral, mayroon nang lead ang militar at ang Philippine National Police (PNP) sa mga possibleng nasa likod ng pambobomba.
Kinumpirma nito na regular nang nakakatanggap na banta ang YBL mula sa hindi pa matukoy na grupo.
Nagpahayag naman ng kahandaan ang kasundaluhan na makikipagtulungan ito sa mga police investigators para matukoy at manutralisa ang mga teroristang responsable sa insidente.
Matatandaan na isa ang nasawi at 11 ang sugatan sa 29 na pasahero ng YBL bus number 2588 nang sumabog ang bomba sa loob ng bus habang papasok ito sa public terminal ng Tacurong City, 11:30 ng umaga nitong linggo.
Samantala, isinailalim ng PNP sa mahigpit na seguridad ang Tacurong City sa Sultan Kudarat kasunod ng pambobomba sa YBL bus.
Simabi ni PNP Chief Police General Rodolfo Azurin Jr. na nagpakalat na ang PNP at militar ng kanilang pwersa sa syudad para hanapin ang mga kriminal na responsable sa pambobomba.
Larawan mula sa PNP