Kini ang gibida sa Armed Forces of the Philippines (AFP) sa ika-duhang executive committee meeting sa National Task Force to End the Local Communist Armed Conflict (NTF-ELCAC) Huwebes sa buntag.
Ang tigom gipangunahan ni Secretary Clarita Carlos, National Security Adviser ug NTF-ELCAC Vice Chairperson; Department of National Defense Senior Undersecretary Jose Faustino Jr.; ug AFP Chief of Staff Lieutenant General Bartolome Vicente Bacarro.
Subay sa datos nga gipresenta sa AFP, gikan sa 89 guerilla front niadtong 2016 miubos na kini sa 23 na lamang karong 2022.
Kini tungod sa pagka-nutralisa ug bolunyaryong pagsurender sa ubay-ubayng miyembro sa teroristang grupo sa pakigtambayayong sa AFP, mga LGU ug uban pang ahensya sa gobyerno ilawom sa “whole of government approach”.
Labot niini, natuki sab sa tigom ang paghatag amnestiya sa mga rebeldeng nitahan sa ilang kinabuhi sa gobyerno.
Samtang, gipahibalo ni Carlos nga si Maria Cecila Pacis na ang bag-ong tigpamaba sa NTF-ELCAC.