Gihimo sa kalihim ang apela dungan sa pag-abot sa nasod sa 547,100 doses nga AstraZeneca vaccines nga donasyon sa nasod Poland sa Pilipinas.
Gibutyag sa kalihim, gikinahanglan dunay proteksyon ang mga wala pa nagpabakuna labi pa nga misaka ang kaso sa bag-ong variant sa Europa ug sa uban pang kanasuran.
Ang mga bakuna nga niabot, ihatag sa magkinahanglan nga mga local government units alang sa booster shots ug second dose.
Mitugpa sa Ninoy Aquino International Airport Terminal 3 ang eroplanong naghatod sa shipment sa bakuna, alas kuwatro karong hapon, Nobyembre 28. (By Ruth Palo)