Sa gipagawas nga Circular pirmado ni CBCP President Pablo Vergilio David, angay sab batasanon sa mga Katoliko nga mutambong sa mga misa.
Sumala pa kang Obispo David, kini tungod kay hinay nang giluagan sa gobyerno ang mga health restrictions tungod sa padayong pag-ubos sa kaso sa Covid -19.
Mismong ang World Health Organization nagkanayon nga ila nang nalantawan ang pagtapos sa pandemya.
Apan gikinahanglan pa gihapon sa mga magtutuong Katoliko nga mutamod sa ginapatuman nga health protocols kung mutambong sa misa.
Taliwala sa maong Circular sa CBCP, magpadayon gihapon ang mga online nga misa aron makatambong pa gihapon ang dili makaadto sa simbahan.