Sa iyang kinamot nga sulat nga mensahe nga gipadala sa mga tigbalita sa Department of Justice, gipaniguro niini nga iyang pasagdan nga atubangon sa iyang anak nga si Juanito Remulla III ang kaso.
Isip usa ka amahan ug kalihim sa DOJ, mas mupatigbabaw matod pa kaniya ang gipanumpaang trabaho nga ipatuman ang balaod nga walay gidapigan ug giprotektahan.
Gipasalamatan sa kalihim ang PDEA sa pagkasikop sa iyang anak ug wala matod pa siyay gipangayo nga bisan unsang pabor sa mga nahisgutan.
Si Remulla, kasamtangang atua sa Geneva Switzerland tungod sa gitambungan niini sa United Nation Human Rights Council ug nakatakdang mubalik sa nasod adlawng Biyernes (Oktubre 13).
Ang suspek na si Juanito Remulla III, maoy kamahulangang anak sa Kalihim.
Gidakop mismo sa iyang pinuy-anan ang suspek sa Las Piñas City sa mga sakop sa NAIA Drug Interdiction Task Group ug Philippine Drug Enforcement Agency ang consignee sa usa ka parcel nga nasayrang dunay sulod nga n937 gramos nga kush (high grade marijuana) nga mubalor sa kapin P1.3 milyon.