Giila ni ACG spokesperson Police Lieutenant Michelle Sabino ang suspek nga si Estelito Piolino Gibaga Jr. alyas Steel Gibaga, 35 anyos.
Nagkaila ang suspek ug ang 14 anyos nga biktima nga giila sa alyas nga “Lou” sa online nga dula “mobile legends”, ug nagkauyab virtually.
Sumala pa kang Sabino, kanunay mag-chat ang suspek ug ang biktima sa “Snap Chat” ug Facebook messenger, kundiin nagapadala ug nagapangayo ug law-ay nga mga hulagway ang suspek.
Nabuking sa ginikanan sa bata ang mga law-ay nga chat messages hinungdan nga nisumbong kini sa ACG. Dinhi na nikasa ug entrapment operation ang mga awtoridad aron madakpan ang suspek sa dihang nakigkita kini sa biktima.
Nadakpan ang suspek sulod sa motel sa West Point St., E. Rodriguez, Quezon City sa Quezon City District Anti-Cybercrime Team, alas 4:30 Huwebes sa hapon.
Ang suspek anaa sa kustodiya sa Quezon City District Anti-Cybercrime Unit ug mag-atubang sa patong-patong nga kaso sa pagsupak sa Republic Act 10175 o Cybercrime Prevention Act of 2012.
Hulagway gikan sa PNP