Sumala pa sa Ministry of Foreign Affairs sa Japan, usa sa nahisgutan sa courtesy call ni Vice President Sara Duterte kay Prime Minister Fumio Kishida ang nahimong hukom niini nga dumalahon ang pagpanindot sa agricultural ug fisheries value chains.
Natuki usab sa dies-minutos nga courtesy call sa duha ka opisyal ang koleksyon sa mugbo nga mga armas ug light weapons sa Mindanao lakip na ang pagsuporta sa edukasyon sa junior government officers sa Pilipinas pinaagi sa pagtuon sa Japan.
Gibutyag sab ni Prime Minister Kishida nga buot niining makig-alayon sa Pilipinas sa kamugnaan sa autonomous government sa Bangsamoro sa tuig 2025.
Nagpaabot usab sa iyang pagpasalamat si VP Sara sa hataas nga panahon sa kooperasyon sa Japan sa hisgutanang infrastructure development ug peace process sa Mindanao.
Gawas niini, nakalatid sa website sa Ministry of Foreign Affairs sa Japan nga nagsinukliay sa ilang panlantaw ang duha ka lider sa kasamtangang sitwasyon sa East ug South China Seas ug sa economic coercion.
Samtang, giila sab ni Kishida si VP Sara isip pinakaunang cabinet-level dignitary sa administrasyong Marcos nga mibisita sa Japan ug nagpasalamat sa pagbangutan ug pagtambong niini sa state funeral para kang kanhi Prime Minister Shinzo Abe.
Courtesy call ni Vice President Sara Duterte kang Japanese Prime Minister Kishida Fumio. Hulagway gikan sa Ministry of Foreign Affairs of Japan