Unang nadakpan ss Toril police ang maghigalang drayber nga nailhang sila alyas Jojo, 39 anyos nga taga-Barangay Lubogan, Toril District ug alyas Ronnie, 35 anyos, lumulopyo sa Barangay Lizada.
Nadakpan ang duha pasado alas 9 Sabado sa gabii sa Barangay Lizada.
Samtang, sikop usab ang giingong Top 6 Regional Level nga usa ka aktibong police auxiliary nga si Gener Ceballos Bantayan, 25 anyos, residente sa Barangay Cabantian,Buhangin District, Davao City.
Nakuha gikan kang Bantayan ang lima ka gramos nga shabu nga mubalor sa P32,000, ug lima ka gramos nga pinaugang dahon sa marijuana kantidad sa P2,500.
Nakuha usab sa iyang possession ang punto 38 kalibre sa pusil, mga bala, cellular phone, ug motorsiklo.
Alas 11 Sabado sa buntag (Setyembre 10) tiklo sa kapulisan sa Tugbok Police Station ang gikonsiderang Top 7 high-value individual pinasikad sa search warrant nga gi-isyu ni Honorable Judge Emmanuel Carpio sa RTC 11.
Nailhan ang suspek nga 57 anyos nga si alyas Maning, lumulopyo sa Deca Homes, Barangay Tugbok.
Bitbit sa kapulisan atol sa ronda sulod sa balay niini ang search warrant.
Gawas sa nagkadaiyang drug paraphernalia, nakuha usab atol sa ronda ang druga kantidad sa P2,000.
Ang mga dinakpan tanggong sa kulungan samtang giandam ang kaso batok kanila.
Hulagway gikan sa DCPO