Ang mando gihimo subay sa mikatag sa Facebook ug uban pang social media platforms sa usa ka post kundiin nagasyagit ang usa ka babae nga nagapangayo ug tabang tungod sa sumala pa sulay nga paglugos.
Makita sab sa video ang pagpangayog tabang sa mga sibilyan ug ilang pagkuyog sa sumala pa rapist.
Sumala pa ni Doria, maayong development ang gihimo sa katawhan nga mahimong aktibo sa kampanya kontra krimen pinaagi sa pag-post sa mga video ug usahay sila pa mismo mutabang sa mga biktima.
Apan, matod pa sa opisyal daghan sa mga post labot krimen nga sagunsong nigawas ning bag-o lang, ilang nadiskubrehan nga mga karaang kaso nga recycle lang, aron makaagni ug mga followers o ilang pagawson nga “unstable” ang gubyerno.
Gipasiguro ni Doria sa iyang mga commanders nga ang mga susamang post ma “take down” aron dili malibog ang katawhan.
Gipasalig sa opisyal nga ang mga post nga madetermina nilang lehitimo gilayon kining ginaaksyunan sa PNP.