Sa tahu ni IMEG Officer in Charge Police Brigadier General Samuel Nacion kang PNP Officer in Charge Police Lieutenant General Vicente Danao Jr., giila ang suspek nga si Patrolman Jassim Muhammad Plaza Aking.
Ang suspek, aktibong miyembro sa ng Regional Mobile Force Batallion, Police Regional Office Bangsamoro Autonomous Region in Muslim Mindanao (PRO BARMM).
Gisilbi sa IMEG ang arrest warrant tungod sa pagsupak sa Republic Act No. 10883 o New Anti-Carnapping Act of 2016, sa 28th Purok Pinnen Rosales Street, Rosary Heights VI, Cotabato City adlawng Miyerkules (Hunyo 29).
Ang kaso, nag-ugat sa pagpangawat sa suspek sa usa Honda XRM nga motorsiklo ug usa ka Mitsubishi Strada pick-up gikan sa duha ka sibilyan.
Gipaniguro ni Nacion nga magpadayon ang ilang paggukod sa mga pasaway nga pulis nga dunay mga outstanding warrant of arrest pinasikad sa gipakusgang internal cleansing campaign sa Philippine National Police (PNP)
Hulagway gikan sa PNP IMEG