Sumala pa ni Councilor Bernie Al-ag sa unang distrito sa Davao City atol sa AFP-PNP press corps briefing sa The Royal Mandaya Hotel, Miyerkules sa buntag (Hulyo 29) sugdan matod pa ang pinakaunang session sa konseho alas 9:30 sa buntag.
“We will be sitting sa council starting July 1. But we will have our first session on July 5, buntag na atong session, kay mga millenials na sayo na mumata. 9:30 mag-start ang session every Tuesday,” matod pansa konsehal.
Si Al-ag kinsa balikbayan sa Konseho, nagkanayon, “This will be a young and dynamic 20th council since mga bago ug batan on.”
Sumala pa sa konsehal ang mulangkob sa konseho karon medyo batan-on pa ug naglaum kini nga makahatag ug inputs sa mga legislations sa city council nga mubenepisyo usab sa ilang henerasyon.
“Most of the age nga naa sa sulod 30-40. Ang ilang edad ang kabalo karon sa need sa ilang generation. I am expecting this generation will give inputs sa mga legislations sa city that will benefit their generation,” dugang ni Al-ag.
“We are expecting them to speak in behalf of their generation,” saysay sa konsehal.
Samtang sa pikas bahin, buot ni konsehal Al-ag nga dalhon ang komitiba sa Trade and Commerce tungod sa tinguha niini nga subling pagbuhi sa sektor sa negosyo sa syudad sa Davao ilabina sa micro and small enterprises.
Una nang gisiguro ni Mayor Sebastian Duterte atol sa iyang inagurasyon sa miaging Lunes (Hunyo 27) nga ang iyang administrasyon mulihok aron masiguro nga magpadayon sa pag-operate ang mga negosyo sa syudad aron daghang trabaho para sa mga Dabawenyo.
Sa kabahin usab sa bag-ong napili nga konsehal sa syudad, Tek Ocampo, gikanayon niini nga buot usab niya huptan ang komitiba sa Social Services, o di kaha Environment.
Ingon pa niini, kung hatagan usab siya ug higayon nga dalhon ang Committee on Publications, andam usab siya nga dumalahon kini isip usa ka kanhi media practitioner.
Ang duha ka konsehal, nagpadayag sa ilang kaandam sa pagsuporta kang konsehal Jesus Joseph “Cocoy” Zozobrado 111 nga mahimong majority floor leader sa 20th City Council.
Isip karaang magbabalaod sa syudad, usa ka abogado, ug dunay kapasidad isip last termer councilor, angayan kini hatagan ug higayon nga mahimong Majority floor leader, ingon pa ni Al-ag ug Ocampo.
“Sa tan aw nako kabisado na niya ang rules and procedures sa council. Because maglisod diha kung neophyte imo ibutang dapat dugay-dugay na kay medyo complicated gamay ang mga rules sa council so mga last termer councilors ang preference nako,” matod pa ni Al-ag.
Gawas kang Zozobrado, matod pa ni Ocampo, pwede sab kuno ang number one councilor sa niaging Mayo 9 nga eleksyon nga si Konsehal Edgar Ibuyan Jr.
Apan gikanayon niini, magdepende na usab kini kung kinsa ang uyunan sa 27 ka mga magbabalaod atol unya sa ilang botohan.