Sa tahu sa PDEG nga nakaabot sa Camp Crame, giila ang suspek nga si Police Lieutenant John Kevin Menes nga nadestino sa PDEG-Police Regional Office 4A
Si Menes, kanhiay gipasidunggan labot sa kampanya batok ilegal nga droga.
Nadakpan si Menes samtang nagdula sa PITMASTERS Live OCBS Nagtahan, sa Ramon Magsaysay Blvd, Sta. Mesa, Manila kagahapon (Marso 30).
Kini human gisibat ang sakyanan sa iyang sakop nga si Patrolman Melvin Bojocan Barbo, ug giprenda sa kantidad nga P170,000 aron matod pa ipatad sa e-sabong.
Gireklamo si Menes ug estafa sa giprendahan niini sa sakyanan human kini ma-recover sa mga pulis.
Subay sa tahu, dunay utang nga kinse mil pesos si Menes sa e-sabong operator.
Una niini, nasayran nga anaa sa restrictive custody sa PRO 4A sa Camp Vicente Lim si Menes tungod sa sumala pa pagka-dispalko niini ug tunga sa milyon ka pesos nga buy-bust money.
Hulagway: PNP