Apan wala madakpi sa raiding team ang target sa operasyon nga si Julamen Abtaral alyas Gaw human niini namatikdan ang pag-abot sa mga otoridad.
Hinoon, sikop ang lima ka mga bisita sa drug den nga aktong naghimo ug shabu pot session nga nailhang sila Alvie Sapie, Ernie Sapie, Jimmy Sapie Abdulamid Ali, ug Nevo Sahiron.
Nakuha sa mga suspek ang kinatibuk-ang 17 gramos sa gituhuang shabu nga gibana-banaang mubalor sa P255,000, ug mga drug paraphernalia.
Pasakahan ug kasong paglapas sa Republic Act 9165 o mas nailang The Comprehensive Dangerous Drugs Act of 2002 ang mga dinakpan.
Hulagway: PDEA 11