Sumala pa kang 103rd Brigade commander Brigadier General Jose Maria Cuerpo II, misaka na sa pito ang ihap sa mga namatayng kalaban human sa airstrike nga gilusad sa militar sa kuta sa mga terorista sa Barangay Ilalag.
Dugang sa Heneral, ila pang gisuta ug gikumpirma kung nalakip ba sa nalagas ang lider sa grupo nga si Faharudin Hadji Satar alyas Abu Zacariah nga giingong bag-ong Emir sa ISIS sa Southeast Asia.
Gibutyag ni Cuerpo nga nakuha na sa mga tropa ang kuta sa kalaban ug narekober ang 45 nga nagkadaiyang tag-as nga mga kalibre sa baril nga gilangkuban sa tulo ka kalibre 50 machine gun, usa ka kalibre 30 machine gun, duha ka caliber 50 rifle type mga belt-fed, mga m16, m14, m203, ug mga improvised explosive device (IED).
Sa pagkakaron, nagpadayon ang paggukod sa mga tropa sa mga nabiling sakop sa teroristang grupo nga mikagiw human ang engkwentro.
Hulagway: WestMinCom