Giila sa CIDG ang dinakpan nga si Quirwin Lansoy y Cataag nga nagdala sa mga alyas nga Ondo ug Paparts, 36 anyos
Nadakpan ang suspek pinaagi sa bili sa alias warrant of arrest nga gi-isyu ni Honorable Rogelio Narisma sa 12th Judicial Region, Branch 23, Kidapawan City niadtong Disyembre 4, 2007 sa kasong frustrated murder .
Nasayran nga ang suspek, kanhi sakop sa Pulang Bagani Command One-Special Operations Group Regional Operations Command, Southern Regional Command sa New People’s Army (NPA) nga naglihok sa Davao City, Davao del Norte, ug Kidapawan area.
Gibutyag sa CIDG nga si Quirwin nalambigit sa pag-atake ug pagpanunog sa plastic plant sa Lapanday Corporation ug ang pagkamatay sa fish vendor tungod sa gibutang nga improvised explosive devise sa mga rebeldeng NPA niadtong Abril 29, 2017
Nahilambigit usab kini sa pagsunog sa heavy equipment sa Ulticon Builders Inc. sa Barangay Callawa, Buhangin District, pagsunog sa container van sa Sitio Banarao, Barangay Talandang, Tugbok District, ug uban pang atrocities nga binuhatan sa New People’s Army.
Hulagway: CIDG Davao City Field Unit