Matod pa sa DBM, ang ₱7.92 billion itagana sa 526,727 nga kuwalipikadong healthcare workers (HCWs) sa pampubliko ug pribadong hospital.
Kalakip usab sa mudawat sa maong allowance ang mga non-HCWs nga kaabag sa kagamhanan sa pagtubag kontra COVID-19.
Gikan sa maong kantidad, kuhaon ang P4.50 billion alang sa COVID-19 benefits sa 100,313 DOH plantilla personnel sa mga opistal, opisina, ug rehabilitation centers kalakip na ang mga nadestino sa ospital sa sundalo ug state university.
Samtang ang mabiling P3.42 billion itagana alang sa 426,414 health workers nga anaa sa mga local government units (LGU) ug mga pribadong health facilities.
Ang matag health worker makadawat gikan sa P3,000, P6,000 hangtod P9,000 kada bulan, depende sa gitas-on sa lebel sa risgo nga giatubang sa pagresponde sa COVID pandemic.
Gikanayon sa DBM, ang nahisgutang benepisyo , tibuok nga makuha sa health professional nga regular nga ga-duty sa trabaho sulod sa 96 oras kada bulan.
Gibutyag sa DBM nga anaa sa tamang panahon ang pagpagawas sa maong pondo alang sa kaayuhan sa mga health workers ilabina karon nga kinahanglang makarecover sa epekto sa krisis sa panglawas.